Archive

Annað

escp_europe_logoLast Friday I finished my final exam in my M.Sc. in Marketing & Creativity at ESCP Europe. Over the last 10 months I have done what it seems about 50 presentations, 20 exams and spent endless hours working on group projects.

When I enrolled I was thrilled to know that we had 22 different nationalities in the class – spanning almost the entire globe, from China, to Germany, from Palestine to the United States and from Iceland to Peru. I had always thought of myself as an open minded person, one who welcomes everyone‘s opinion and appreciates other people‘s cultures. So when someone comes up to me and says that „at first“ they did not like me because I was disrespectful and did not take other people into consideration I will say I was shocked. They did continue by telling me that they like me now, after understanding more the way I work.

I was blind, closed off in my own bubble.

I‘ve been so lucky to live in London and Paris – two of the greatest cities in the world.

Over the last weeks I have been invited to an Iranian family dinner and last weekend I sat Shabbat on a Friday night.

I‘ve had experiences that will have a positive effect on the rest of my life.

So after all that, what have I learned this year?

I have learned so much about myself. I have learned to be more patient. I have learned how to behave around people that are different than me and to be more respectful of other people‘s cultures. This is something I can take with me both in my career and for myself personally.

And most important of all, I have met 45 people who will be my friends for life.

Thank you ESCP – Thank you MMK

mmk-2016-17

Hefur þú áhuga á því hvað fyrirtæki eru að gera? Ég reikna með að svarið sé nei, þar sem yfir höfuð er flestum alveg sama hvað fyrirtæki út í bæ eru að gera. Það þýðir samt ekki að það sé ekki að fyrirtæki og neytendur geti ekki mæst á miðri leið. Það þarf bara að finna flöt sem báðir hafa áhuga á.

Efnismarkaðssetning (e. content marketing), er þegar fyrirtæki framleiða áhugavert efni til að fræða, skemmta eða upplýsa neytendur. Markmiðið er að styrkja sambandið við núverandi viðskiptavini eða ná í nýja – og auðvitað selja eitthvað í leiðinni!

Margir halda að efnismarkaðssetning og markaðssetning í gegnum samfélagsmiðla sé bara að opna Facebook og Twitter síður og svo halda traffíkinni á þær síður gangandi með því að gefa nógu mikið af dóti í gegnum leiki. Leikir eru ágætir til að vekja athygli til skamms tíma. En til þess að ná endurtekið til fólks er lang best að búa til eitthvað sem það hefur raunverulegan áhuga á.

content marketingDæmi um efnismarkaðssetningu:

  • Myndbönd
  • Vefir og vefsíður
  • Blogg og greinaskrif
  • Myndir
  • Viðburðir
  • …og margt annað

Tökum dæmi: VÍB er eignarstýringarþjónusta Íslandsbanka. Þar er fólk að sjá um lífeyrissparnað og annan sparnað fyrir fólk. VÍB tók þá ákvörðun fyrir nokkrum árum að þeirra markaðsstarf yrði í gegnum fræðslu. Þau halda fundi, skrifa greinar og gera myndbönd um m.a. fjárfestingar, hlutabréfakaup og fjármál við starfslok. A Það er fullt af fólki á Íslandi sem er að leita eftir því hvað það á að gera við sparnaðinn sinn. Með þessu eru þau að miðla þekkingu sinni, sína fram á sérfræðikunnáttu og ná til fólks sem er virkilega að spá í því sem VÍB býður upp á.

umsagnir

Umsagnir frá síðasta námskeiði

Ég er mikill talsmaður efnismarkaðssetningar. Raunar er ég svo mikill talsmaður hennar að ég ætla að kenna námskeið við Endurmenntun HÍ dagana 7. og 9. nóvember.

Á námskeiðinu ætla ég að hjálpa fólki að komast af stað, sýna dæmi um vel heppnað markaðsstarf, sýna árangursmælingar og gefa því tól til þess að búa til og vinna eftir strategíu.

Þeir sem hafa áhuga á hvernig hægt er að stunda öflugt markaðsstarf og byggja upp sterk tengsl við viðskiptavini en eyða á sama tíma minni pening ættu að kíkja á þetta námskeið.

Skráning er á www.endurmenntun.is

Aðgreining er eitthvað sem getur verið fáránlega erfitt að ná fram þegar þú ert að byggja upp Bvörumerki. Þegar þú spyrð markaðsfólk hvað það er sem aðgreinir þeirra fyrirtæki frá samkeppninni færðu oft svör eins og „Við bjóðum frábæra þjónustu“ eða „Við erum með vörur í hæsta gæðaflokki“. Í mörgum tilvikum eru orðin innantóm því samkeppnin býður oftar en ekki nákvæmlega samskonar þjónustu og vörurnar eru yfirleitt í sama gæðaflokki.

En stundum finnur maður fyrirtæki sem hafa áhugaverðan aðgreiningarpunkt sem maður verðlaunar með því að eiga viðskipti við. Og þessi aðgreining þarf ekki endilega að vera neitt voðalega flókin.

2016-04-02 15.03.58-1Um síðustu helgi fór ég til Búdapest, höfuðborgar Ungverjalands. Við eyddum nokkrum dögum í að upplifa menninguna, dást að arkítektúrnum, borða góðan mat og baða okkur í sundlaugunum. Búdapest er falleg borg og ég mun klárlega heimsækja hana aftur. Á sólríkum degi langaði okkur í ís og prófuðum litla ísbúð sem heitir Gelarto Rosa og er nálægt St. István kirkjunni.

Það sem gerir þessa ísbúð öðruvísi er ekki þjónustulund starfsfólksins. Útlit búðarinnar er vinalegt en ekki það spennandi eða eftirminnilegt að hægt sé að tala um. Ísinn sjálfur var ágætur en hann var samt ekkert betri heldur en annarsstaðar. Af hverju var þá 30 manna röð fyrir utan þessa ísbúð á meðan það var engin röð hjá öðrum?

Gelarto Rosa býr til rós úr ísnum þannig þú heldur á alvöru ísblómi í brauðformi.

Það er skemmtilegt og öðruvísi. Það er þess virði að bíða í röð og prófa. Fólk sér þig úti á götu með ísblóm og verður forvitið hvar þú keyptir ísinn. Þetta er einföld leið til þess sem gerir viðskiptavini þína ánægða og áhugasama um að prófa. Við heimsóttum allavega 2 daga í röð.

Aðgreiningin þín þarf ekki að vera svo flókin. Hún þarf bara að vera einkennandi fyrir þig.

Ég elska tékklista! Ég nota þá í langflestu sem ég tek mér fyrir hendur. Þeir hjálpa manni að skipuleggja, leggja upp daginn minn og fá yfirsýn yfir hvað ég þarf nákvæmlega að gera þann daginn eða í tengslum við ákveðið verkefni. Þegar þú strikar yfir nýklárað verkefni færðu þá tilfinningu að þú hafir afrekað eitthvað merkilegt og hvetur þig til að vinna þig niður og klára listann.

1. Alla daga í vinnunni

Ég nota tékklista á hverjum einasta degi í vinnunni. Ég byrja daginn á því að búa til lista yfir það sem ég þarf að klára þann daginn. Listinn breytist því dag frá degi – stundum er hann flokkaður eftir verkefnum, stundum er allt sem ég þarf að gera í einum löngum lista óháð hvaða verki það tilheyrir. Það fer allt eftir því hversu mikið ég þarf að gera þann daginn. Í lok dags fer ég yfir listann, strika yfir það sem er búið og færi það sem náðist ekki að klára yfir lista næsta dags.

Þegar þú vinnur í markaðsmálum – og það er eins í mörgum öðrum geirum – ertu oft að vinna í mörgum verkefnum í einu og maður á það til að vaða úr einu í annað. Með því að skrifa þau niður í tékklista færðu betri yfirsýn yfir verkefnin þín og þegar allt er tekið saman þá skilarðu af þér betri vinnu. Tékklistinn hjálpar þér líka að ákveða hvað þú ætlar að gera þann dagin og líka – sem er jafnvel mikilvægara – að ákveða hvað þú ætlar ekki að gera.

2. Þegar ég flutti til London

checklistÉg flutti til London í janúar. Þegar þú flytur á milli landa er endlaust mikið af litlum endum sem þarf að hnýta. Verkefnin á þessum lista voru margvísleg – allt frá því að þrífa íbúðina áður en ég flutti, leigja sendiferðabíl og endurnýja vegabréfið, yfir í að kveðja ömmu og afa eða að fara að hitta vinina í bjór.

Tékklistinn hjálpaði mér að minnka stressið sem fylgir því að flytja – því stressið er alveg nógu mikið!

3. Við skrif á B.Sc. ritgerðinni minni.

Að klára skólaverkefni og lokaritgerðir getur verið langt og strangt ferli. Þegar þú byrjar er verkefnið svo yfirþyrmandi og manni finnst maður aldrei eiga eftir að klára það. Með því að nota tékklista brýturðu verkefnið niður í stærri búta. Á hverjum degi skrifaði ég niður það sem ég ætlaði að klára þann daginn, til dæmis að lesa ákveðna tímaritsgrein eða sækja þessa bók á Þjóðarbókhlöðuna. Tékklistinn varð ennþá mikilvægari eftir því sem skiladagur nálgaðist af því þá þarftu sífellt að vera að endurskrifa, tvítékka heimildir og laga komment frá leiðbeinanda. Og það virkaði! Ég fékk fyrstu einkunn fyrir ritgerðina og tókst LOKSINS að útskrifast.

—————————–

Ég hef prófað ýmislegt til að halda utan um listana mína – m.a. Evernote, Todoist, Word skjöl og Post-it. En ég fer alltaf til baka í gamla góða kúlupennan og stílabókina. Það þarf ekki að vera besta leiðin til að gera tékklista – en það virkar fyrir mig.

Að lokum langar mig að benda þeim sem hafa áhuga á að bjarga lífi sínu á bókina “The Checklist Manifesto” eftir Atul Gawande. Ég skrifaðu umfjöllun um hana á bókabloggið mitt – www.coffeeandreviews.com. Ég mæli eindregið með henni.

content marketingHefur þú áhuga á því hvað fyrirtæki eru að gera? Ég reikna með að svarið sé nei, þar sem yfir höfuð er flestum alveg sama hvað fyrirtæki út í bæ eru að gera.

Það þýðir samt ekki að það sé ekki að fyrirtæki og neytendur geti ekki mæst á miðri leið. Það þarf bara að finna flöt sem báðir hafa áhuga á.

Efnismarkaðssetning, eða content marketing, er þegar fyrirtæki framleiða áhugavert efni til að fræða, skemmta eða upplýsa neytendur. Markmiðið er að styrkja sambandið við núverandi viðskiptavini eða ná í nýja – og auðvitað selja eitthvað í leiðinni!

Tökum dæmi: VÍB er eignarstýringarþjónusta Íslandsbanka. Þar er fólk að sjá um lífeyrissparnað og annan sparnað fyrir fólk. VÍB tók þá ákvörðun fyrir nokkrum árum að þeirra markaðsstarf yrði í gegnum fræðslu. Þau halda fundi, skrifa greinar og gera myndbönd um m.a. fjárfestingar, hlutabréfakaup og fjármál við starfslok. A Það er fullt af fólki á Íslandi sem er að leita eftir því hvað það á að gera við sparnaðinn sinn. Með þessu eru þau að miðla þekkingu sinni, sína fram á sérfræðikunnáttu og ná til fólks sem er virkilega að spá í því sem VÍB býður upp á.

Ég er mikill talsmaður efnismarkaðssetningar. Raunar er ég svo mikill talsmaður hennar að ég ætla að kenna námskeið við Endurmenntun HÍ dagana 7. og 8. mars.

Margir halda að efnismarkaðssetning og markaðssetning í gegnum samfélagsmiðla sé bara að opna Facebook og Twitter síður og svo halda traffíkinni á þær síður gangandi með því að gefa nógu mikið af dóti í gegnum leiki. Leikir eru ágætir til að vekja athygli til skamms tíma. En til þess að ná endurtekið til fólks er lang best að búa til eitthvað sem það hefur raunverulegan áhuga á.

Dæmi um efnismarkaðssetningu:

  • Myndbönd
  • Vefir og vefsíður
  • Blogg og greinaskrif
  • Myndir
  • Viðburðir
  • …og margt annað

Á námskeiðinu ætla ég að hjálpa fólki að komast af stað, sýna dæmi um vel heppnað markaðsstarf, sýna árangursmælingar og gefa því tól til þess að búa til og vinna eftir strategíu.

Þeir sem hafa áhuga á hvernig hægt er að stunda öflugt markaðsstarf og byggja upp sterk tengsl við viðskiptavini en eyða á sama tíma minni pening ættu að kíkja á þetta námskeið.

Skráning er á www.endurmenntun.is

Fyrir tæplega 2 árum skrifaði ég pistilinn „Takk Síminn“ þar sem ég þakkaði Símanum fyrir alla þá reynslu sem fyrirtækið hafði gefið mér. Þá stóð ég á tímamótum, var að hætta hjá fyrirtækinu sem ég hafði unnið hjá allan minn „prófessjónal“ feril og við var að taka skemmtilegt og lærdómsríkt tímabil hjá Íslandsbanka.

Ég hef lært mjög mikið hjá Íslandsbanka og ég verð ævinlega þakklátur fyrir þá reynslu sem ég hef fengið þar. Ég hef unnið með eldkláru fólki sem hvetur mann til þess að prófa alltaf nýja hluti, gera ennþá betur en síðast og vinna hlutina eins faglega og mögulega hægt er. Fólkið hjá Íslandsbanka er frábært.

Ég verð samt að koma sérstakri kveðju til eins mans (og ég veit að nú hristir hann hausinn og bölvar mér í hljóði). Það er Már Másson sem var forstöðumaður deildarinnar minnar. Það eru fáir sem ég hef lært jafn mikið af og hann. Hann er flottur yfirmaður, gerir miklar kröfur en er alltaf sanngjarn. Hann veitir alltaf stuðning og er alltaf tilbúinn að bakka upp sitt fólk bæði í vinnunni og ef það þarf hjálp í einkalífinu. Ef það er eitthvað sem ég hef lært af honum þá er það hvernig á að leiða fólk og hvetja það til að bæta sig. Takk fyrir það Mási.

Frá og með 1. Febrúar er ég ekki lengur starfsmaður Íslandsbanka heldur er ég nemandi í fullu námi. Þessi orð eru skrifuð inni á pizzastað í Suður London þar sem ég verð búsettur næstu 6 mánuðina og á morgun hef ég nám við ESCP Europe háskólann. Vorið 2017 mun ég svo útskrifast með gráðu sem heitir M.Sc. in Marketing & Creativity. Ég verð hér í London fram á sumar og svo í París næsta haust. Eftir það tekur við starfsnám og svo þarf ég víst að skila ritgerð að því loknu.

Takk Íslandsbanki.

Ef þú átt leið til London þá skaltu hafa samband við mig. Ég er alltaf til í að fá mér eitt pint!

Kveðja,
London-Hjalti

20160117_151159

Frá fundi FVH á Kex HostelÍ kvöld talaði ég á skemmtilegum fundi á vegum FVH – Félags Viðskiptafræðinga og Hagfræðinga. Ég er í stjórn félagsins og við höfum á síðustu vikum verið að skoða hvernig við getum þjónustað nýútskrifaða og verðandi viðskipta- og hagfræðinga betur. Þessi fundur var liður í því.

Fundurinn fjallaði um hvað maður setur á ferilskrá eða CV. Ég er mikill áhugamaður um ferilskrár, en ég og Siggi Svans vinur minn ræðum vandræðalega oft hvað á að fara á þær, hvernig þær eiga að líta út og hvaða uppröðun sé best. Því fannst mér tilvalið að segja frá þessu áhugamáli mínu.

Ásamt mér töluðu tveir sérfræðingar sem vinna við að skoða CV allan daginn, Berglind Björg Harðardóttir, deildarstjóri hjá Símanum, og Sigrún Ólafsdóttir, ráðningarstjóri hjá Íslandsbanka.

Það helsta sem kom fram:

CV á að vera stutt og hnitmiðað

Sumir eiga það til að reyna að hlaða á ferilskrána sína til þess að reyna að láta líta út eins og þeir hafi áorkað meiru. Það er miklu betra að vera hnitmiðaður og stuttorður af því reyndur stjórnandi mun fljótt sjá í gegnum allt “flöffið”. Þumalputtareglan er að hafa það alls ekki lengra en 2 blaðsíður. Ef það er meira sem þú vilt segja frá er fínt að nota LinkedIn, en þar ertu ekki eins bundinn við lengd og getur bætt við hlutum eins og verkefnum og námskeiðum sem kannski passa ekki á tveggja blaðsíðna CV.

Söluplagg fyrir þig

Ferilskráin er söluplagg um þig! Þú notar hana til að segja frá afrekum, hvað þú hefur gert og hvaða hæfni þú hefur. Segðu frá afrekum og ábyrgð sem þú hafðir. Til dæmis stöðuhækkanir, einhver ábyrgðarsvið eða verðlaun. Varstu söluhæst í búðinni? Segðu frá því. Varst þú staðgengill yfirmanns í einhvern tíma? Segðu frá því. Passaðu þig bara að vera stuttorður og hnitmiðaður!

Hjalti RognvaldssonMynd eða ekki mynd?

Við vorum ekki sammála um þetta. Ég er á móti því að fólk setji mynd á ferilskrána sína vegna þess að það lætur lesandann sjálfkrafa fá ákveðna ímynd af viðkomandi. Þannig er viðkomandi búinn að mynda sér ákveðna skoðun á umsækjandanum. Sigrún og Berglind voru mér hins vegar ósammála vegna þess að þeim finnst þær ná betri tengingu við manneskjuna sem þær eru að lesa um. Ég ætla að ríghalda í mína skoðun eins og þrjóskur hundur en þið megið ráða á hvorn þið hlustið (örugglega betra að hlusta á þær).

En ef þú ákveður að hafa mynd, þá er eins gott að hún sé vönduð. Ekki setja mynd af þér sem var tekin í partý, þó þú sért klæddur í jakkaföt. Klæddu þig frekar í jakkafötin heima og fáðu vin þinn til að smella af. Það eiga flestir góða síma í dag, þannig það er ekki erfitt að ná góðri mynd.

Vanda sig!

Það er alveg lykilatriði að vanda sig. Það er ekkert verra en að lesa yfir ferilskrá sem er full af stafsetningar- eða málfarsvillum. Eins er alltaf einhver til í að hjálpa. Ef þú þekkir einhvern sem er reyndari í þessu en þú, fáðu hann eða hana til þess að lesa yfir. Það mun margborga sig á endanum.

Að lokum

Ég stal þessari tilvitnun úr grein eftir áður nefndan Sigurð Svansson sem mér finnst súmmera áherslurnar ágætlega upp.

Af hverju ætti fyrirtæki að búast við metnaðarfullum starfskrafti ef hann hefur ekki metnað til að senda frá sér almennilega ferilskrá ?

Hér fyrir neðan má sjá glærurnar mínar frá fundinum. Við í FVH munum halda nokkra fundi í svipuðum dúr á næstunni. Endilega hafið samband við mig ef þið viljið fá að vita meira.

Ég á geðveikt erfitt með einbeitingu.

Ég ætla ekki að segja að ég sé með athyglisbrest en ég get allavega aldrei stillt mig um að líta upp þegar einhver labbar framhjá, flakka á milli verkefna á 5 mínútna fresti og missi fókus við hina minnstu truflun.

Sumt af þessu mun ég aldrei ráða við en ég hef hins vegar komið mér upp nokkrum leiðum til að allavega lágmarka skaðann.

HD-202Tónlist og stór heyrnartól

Þetta er klassísk tækni. Með stórum heyrnartólum og Spotify Premium aðgangi er hægt að útiloka hljóð sem gætu truflað bæði á vinnustaðnum eða á lesstofunni. Hins vegar það sem ekki allir fatta er að tónlistin sjálf getur verið truflandi. Til dæmis getur verið að maður hlusti of mikið á textann og fari þannig eða fari í raun að einbeita sér of mikið af tónlistinni.

Lausn: Danstónlist! Mér finnst best að hlusta á þungan takt þegar ég þarf að einangra mig. Arabian horse platan með GusGus kemur þar t.d. sterkur inn. Besta platan til að hlusta á við lærdóm eða vinnu er Human After All með Daft Punk. (Staðfest)

Færðu þig

Það vinna flestir í opnu vinnurými. Þar er skvaldur, umgangur, fólk kemur til að spyrja þig spurninga og fólk talandi í síma. Þetta getur verið gríðarlega truflandi fyrir marga. Það skal samt sagt að ég elska opið vinnurými. Mér finnst það virka hvað varðar að byggja upp opna menningu í fyrirtækjum og halda uppi móral enda er stutt í gamanið þegar þú ert umvafinn fólki.

Lausn: Fjarlægðu þig. Ef þú hefur tök á, prófaðu að setjast á tómt skrifborð úti í horni, taktu frá fundarherbergi í stutta stund eða prófaðu að vinna heiman frá þér. En aftur, ef þú hefur tök á.

tékklisti handskrifaðurTo-do listar

Ég er búinn að prófa allskonar tól og tæki til að hjálpa mér að skipuleggja mig betur. ToDoist, Trello, Word skjöl, Tasks í Outlook. En það sem ég fer alltaf aftur í er eiginlega frekar old school.

Lausn: Stílabók! Ég byrja daginn á að skrifa niður það sem ég þarf að klára þann daginn og strika síðan út eftir því sem verkefnin klárast. Það sem ekki klárast fer á lista næsta dags. Þetta hjálpar líka við að ákveða hvað þú ætlar að gera og hvað ekki.

StayFocsd

Stundum fer maður ósjálfrátt inn á Facebook, Twitter, MBL.is, Visir.is eða  <insertwebsitehere>. Ef þú myndir mæla hversu mikinn tíma þú eyðir í að hanga á netinu fengirðu örugglega sjokk.

Lausn: StayFocud! StayFocusd er viðbót á Chrome vafrann. Þar geturðu skilgreint hversu miklum tíma á dag þú mátt eyða í almennt netvafr. Þú getur líka “nuke-að” netið hjá þér þannig þú komist ekki inn á þær síður sem þú hefur skilgreint. Ég mæli með þessu, þetta virkar!

Stayfocusd

Jú ég á að vera að vinna en mig langar á Twitter!

Þetta eru nokkrar hugmyndir sem virka fyrir mig. Ég veit ekki hvort þær henta öllum, mér finnst það eiginlega mjög ólíklegt. En ég er alltaf opinn fyrir fleiri hugmyndum. Hvað hjálpar þér?

Coffee and reviewsÉg er afskaplega spenntur í dag.

Síðustu vikur höfum við Villi vinur minn – Vilhelm Jensen, Jenni Júmbó, Jarðýtan – aðeins verið að dunda okkur. Þannig er mál með vexti að við höfum alltaf talað um að gera eitthvað skemmtilegt saman. Honum finnst gaman að grúska í vefjum, mér finnst gaman að skrifa. Já og kaffi, við elskum kaffi.

Við erum búnir að velta því fram og aftur hvernig við getum sameinað þetta þrennt og nú erum við tilbúnir að sýna afraksturinn:

www.coffeeandreviews.com

Coffee & Reviews er bloggsíða sem fjallar um viðskiptabækur. Síðustu ár hef ég lesið og hlustað á sennilega um 40-50 bækur sem tengjast fjármálum, markaðsmálum, leiðtogahæfni, auglýsingum og svo lengi megi telja. Ég hef skrifað um nokkrar þeirra hér á hugrenningum (sjá flokkinn “Bækur) og umfjallanir eftir mig hafa t.d. birst á Frumkvodlar.is.

Við stefnum að því að hafa umfjallanirnar skemmtilegar, hagnýtar og auðlesanlegar.

Héðan af munu mínar bókaumfjallanir birtast á Coffee & Reviews en ég mun samt halda áfram að tjá mig um hin ýmsu mál hér á hugrenningum.

Það þarf varla að segja það, en ef þið heimsækið nýju síðuna okkar, endilega smellið á þær auglýsingar sem þið sjáið – við græðum á því. Og svo hvetjum við líka til þess að fólk læki á Facebook, elti á Twitter og segi líka öllum vinum sínum frá okkur.

En vonandi getur þessi síða hjálpað einhverjum að fara í gegnum þann frumskóg sem úrvalið af viðskiptabókum er.

P.s. Endilega smellið á allar auglýsingar sem þið sjáið 🙂

Fyrir mörgum árum (3 árum) skrifaði ég færslu um hlaðvörp (e. podcasts). Ég var akkurat að uppgötva snilldina sem hlaðvörp eru. Þú gerist áskrifandi að þætti, sækir hann þegar þér hentar og hlustar á hann í því tæki sem þú vilt – flestir í snjallsímanum sínum.

Síðan þá hafa hlaðvörp heldur betur sótt í sig veðrið. Kjarninn er til dæmis með virka rás þar sem m.a. er talað um efnahagsmál, Tvíhöfði hringir inn í sinn eigin útvarps þátt og enn annar þáttur fjallar bara um hluti sem þáttastjórnandanum finnst kúl. Alvarpið á Nútímanum er með virkilega metnaðarfulla dagskrá sömuleiðis þar sem fjallað er um allt frá kvikmyndum og tónlist yfir í hefðbundna viðtalsþætti.

En ég er latur í dag þannig ég ætla ekki að fara út í neitt gríðarlega greiningu á kostum hlaðvarps eða mismunandi dagskrárliða. Ég ætla einfaldlega að segja ykkur frá 4 uppáhalds hlaðvörpunum mínum þessa stundina.

This Old Marketing

this old marketingÉg er búinn að hlusta örugglega á svona 10 mismunandi þætti um markaðsmál enda er markaðsfólk svo ótrúlega kúl og tilbúið að nýta sér nýja miðla. Og frábært fólk þar að auki! This Old Marketing er stjórnað af Joe Pulizzi og Robert Rose. Þeir skilgreina sig sem “content marketers” þannig það er auðvelt að skilja hvernig það sem þeir fjalla um hittir beint í mark hjá mér. Þættirnir eru vikulegir og koma alltaf á mánudögum. Í síðasta þætti var t.d. verið að fjalla um auglýsingarnar í Super Bowl. Ég mæli með þessum þáttum fyrir markaðsfólk og aðra áhugamenn um markaðsmál.

Here’s The Thing

heres-the-thing-podcast-logoÉg straujaði allar 30 Rock seríurnar á svona 2 mánuðum (NB þá eru það rúmlega 150 þættir!) aðallega vegna þess að Jack Donaghy, leikinn af Alec Baldwin, er maðurinn. Alec Baldwin er fæddur til þess að tala. Því þarf ekki að koma á óvart að ég hlusta á hvern einasta þátt af Here’s the thing, en þættinum er stýrt af Alec nokkrum Baldwin. Hann er þarna að tala við leikara, handritshöfunda og fleiri opinberar persónur. Joe McEnroe var til dæmis gestur í einum þætti, Sarah Jessica Parker í öðrum og Jerry Seinfeld hefur komið í heimsókn a.m.k. tvisvar sinnum. Flestir þessir aðilar eiga það líka sameiginlegt að búa í New York City – bestu borg í heiminum.

Þáttur um kúl hluti (ÞUKL)

thukl í kjarnanumEini íslenski þátturinn á listanum. Þáttur um kúl hluti er frábært hlustunarefni. Það er líka bara brilliant hugynd að útvarpsþætti að fjalla bara um hluti sem manni sjálfum finnst kúl. Frá því ég byrjaði að hlusta hefur verið fjallað um björgunasveitir, loftslagsmál og tjáningarfrelsið. Þáttarstjórnandinn Birgir Þór Harðarson er ávallt vel undirbúinn og yfirleitt er hann með viðmælanda sem kemur með ferska innsýn í þau málefni sem verið er að fjalla um. Frá því ég byrjaði að hlusta hefur m.a. verið fjallað um björgunasveitir, loftslagsmál og tjáningarfrelsið. Mæli með þessu.

americanlife__140321173358This American Life

This American Life er vikulegur útvarpsþáttur á NPR sem hefur verið í loftinu núna í 20 ár. Í hverjum þætti af  er tekið fyrir ákveðið þema og fundnir óvæntir og skemmtilegir angar af því. Fyrsti þátturinn sem ég hlustaði á hét til dæmis “If you don’t have anything nice to say, SAY IT IN ALL CAPS” og fjallaði um nettröll (e. trolls). Í þessum þætti voru sagðar 3 sögur sem allar snérust um mismunandi form af árásum á netinu. Í þeim þætti sem ég er að hlusta á núna eyða þáttastjórnendur heilum mánuði á bílasölu sem þarf að ná ákveðnum markmiði til að fá allt að $85.000 bónus. Ef þau ná ekki því markmiði skilar bílasalan tapi. Eins og sjá má eru umfjöllunarefnin þannig eins ólík og þau eru mörg.

————————————————-

Ég hlusta undantekningalaust á hlaðvörp í símanum mínum. Ég nota appið Pocket Casts. Það kostar örfáa dollara en virkar mjög vel.

Þetta er það sem ég er að hlusta á, en það er alltaf hægt að bæta við. Á hvað ert þú að hlusta?